明报：谢宁选完港姐难抵压力致抑鬱 叹与岑建勳“父亲式婚姻”
1985年香港小姐冠军谢宁，日前到新城广播接受李有毅（Ben）和儿子李国炜（Benson）主持的《Ben同Benson“chur”到行》访问，谢宁当年参选香港小姐，Ben亦刚加入《香港早晨》担任主持，并访问过对方，谢宁笑言：“都成40年前，所以超过50岁嘅朋友先认得我。”
谢宁参选港姐前，曾在一间音乐学校教琴，当时她对人生感到迷茫，决定参选香港小姐，最后夺得冠军。Ben忆述当晚问答环节，谢宁给出的答案令人印象深刻，Benson即场问多次当晚问题：“谢宁小姐，𠵱家有一个病叫做爱滋病，大家都知道係唔好嘅病，如果畀你一个机会，将爱滋病改一个名，你会改咩名呢？”谢宁回答：“我会改一个恐吓性嘅名，叫game over，即係玩完喇，你唔惊呀？”后来外界对她的回答反应热烈，令她始料不及。
谢宁亦爆料指大会事前曾给她们35条题目，所有女生便围在一起想答案，她表示：“唔係我叻，只能够讲我好好运，拣咗条好有趣嘅问题，同埋好有趣嘅答案，但个答案係边个改，我就唔知喇，因为係30几个女仔一齐谂嘅。”
谢宁当选后人气急升，但她当时心情低落：“我发觉我唔可以承受咁大压力，我唔係幕前嘅人，身高又唔係高，啲人觉得我係香港小姐最矮一个，自己唔识得处理外间对我评价，我就好封闭自己，好唔开心，然后我觉得我係有抑鬱。”
谢宁续指：“我唔锺意畀人指指点点，一夜之间每个人都识得自己，嗰种感觉好唔舒服，好似睇动物咁睇你，有啲人慌死人哋唔识你，会好享受，但我唔锺意，我好怕人哋识得我，到𠵱家都有呢种感觉，可能个人自信心唔够，所以嗰一年我觉得好惨。”
直至踏入人生第二个阶段，Ben形容当时外界得知谢宁与岑建勳拍拖都大吃一惊，谢宁笑称：“绝对係美女与野兽！”她透露2人拍拖是跟信仰有关，因自己期望要有一位基督徒男友和丈夫，于是带对方返教会，“点知佢真係决志，咁我咪觉得係佢喇！”然而2人因性格不合，2005年结束结婚14年婚姻，“佢係一个好成熟、好老积嘅人，佢係一个大人，我係小朋友，我哋有好大段距离，我唔可以有一个父亲式婚姻，好似我咩都要听佢讲，我冇自己谂法，我要生活喺佢阴影下，我冇咗自己；其实佢冇变，变嘅係我。”
离婚后，谢宁在教会遇上现任丈夫王德伟，她说：“当时我唔识佢，只係觉得佢好靓仔，有一次我同朋友讲起呢件事，佢话同我一齐返教会，睇下撞唔撞到呢个人，点知一泊低架车，拧转身就见到佢，我好无耻上去同佢讲‘我觉得你好熟面口，我唔想排队，可唔可以打尖呀’，佢话随便啦，跟住一齐排队入教会。”
之后众人互相介绍，原来男方是TVB的旧同事，更曾为谢宁拍照，谢宁表示：“然后我就谂点样攞佢电话，咁啱就嚟中秋节，我要帮曲奇店影中秋节产品，我就搵佢做freelance，咁就交换咗电话；喺做嘢过程去了解呢个人，觉得佢好单纯同温柔，发觉佢好啱我，就开始拍拖，经历十堂婚姻辅导就步入婚姻，好开心。”Ben看到谢宁春风满脸的样子笑言：“哗，见到你双眼闪闪发光，好甜蜜。”
