明报：钟嘉欣分享育儿趣事︰最崩溃係3个仔女一齐叫我
锺嘉欣（Linda）近日为其代言的网上教育平台拍广告，与一大班小朋友合作时相处融洽，更因获其中一位小朋友称呼为“嘉欣BB”而甜入心。与丈夫育有3个小朋友的她向来予人温柔妈妈感觉，她却自爆担心有“怪兽家长”一面。
嘉欣解释︰“我都担心会不自觉会受社会风气影响，而出现少少怪兽家长一面，所以成日提醒自己要随缘。科技发达好易见到其他家长做咩，我会想跟从，所以成日提自己唔好咁，要搵适合小朋友嘅嘢，而非跟风，更要学习随缘。我除咗重视佢哋嘅学业，都希望培养佢哋嘅人品。”
她透露大女Kelly最乖巧，二仔Jared爱找捷径，孻女Anika最聪明，在家姐哥哥影响之下，性格愈来愈狂野不害羞，有时更会过分大胆。嘉欣最想子女学好广东话︰“大女同二仔都好抗拒学广东话，不过家姐拍完广告后对中文产生兴趣，日日有讲，反而二仔仲係好抗拒。”
她坦言后悔没有在Kelly及Jared的成长过程中百分百用广东话与他们沟通，因此在Anika出世后便决定跟她讲广东话，Anika因此会说中文，她没白费一番苦心。
谈到育儿趣事，嘉欣笑言︰“凑细路时，最崩溃係3个仔女一齐叫我﹗喺加拿大时我要自己打点生活大小事，好忙碌；另一件最辛苦嘅事就係小朋友病，屋企一个小朋友病，之后3个小朋友都病，再感染埋家长。我病住仲要照顾小朋友，係最崩溃嘅时候。”
