冼靖峰唔怕偶包出尽力跑100米 黄奕斌平反萧正楠剧中唔係衬托 | 香港01
新城电台昨日（10日）举办《慈善运音会》，过百位人气歌手、明星足球员都落力支持，活动由“舞台王者”郭富城（Aaron）与文化体育及旅游局局长罗淑佩、新城广播行政总裁马浚伟、巴黎残疾人奥运轮椅羽毛球银牌得主陈浩源、残奥会友主席张伟良联同明星足球队队长谭咏麟担任主礼嘉宾主持启幕仪式。
冼靖峰与黄奕斌接受《香港01》访问时表示自己落场比赛就用尽了全力，黄奕斌笑指：“我都有睇返自己啱啱跑嘅时候影啲相，係冇一张用得嘅，所以一定係好落力。”冼靖峰未看照片就知道不能用了：“我觉得呢个係一个过程嚟嘅，亦都好开心啊，因为真係入行以嚟应该係第一次咁样。”他指是第一次与这麽多的歌唱一起参加运动会。但原来二人对田径其实不熟悉，因为冼靖峰读书时是打羽毛球，而黄奕斌则是打篮球。
黄奕斌最近有剧集《无相之城》播出，在剧中担正主角的他看播出时有感到害怕：“其实好惊嘅，有阵时係我自己好惊，睇到自己好kam咁样。”
这套剧集原来已经是4 年前拍，这一次担正主角就已经是古装，还要吊威也，所以他觉得是一个很特别的经验。对于有网民指萧正楠于剧中做黄奕斌的衬托，但黄奕斌就不认同：“其实如果大家有睇嗰套剧，其实萧正楠楠哥，佢唔係一个配角，佢係男三。其实佢嘅出场嘅气氛係非常之多嘅，咁其实嗰个角色会可能考虑到係更加适合萧正楠，所以先搵佢做咗嗰个角色。”他更率先剧透萧正楠之后的出场会更多。
冼靖峰之前指自己跑100米的成绩是19秒几，所以今次都有点害怕会“失威”，今次最后结果他跑的名次是中间的名次，所以已经感到满足。但后来去到4乘100时他就用尽全力：“唔可以拖你队友！更加用力。满意，无悔，无仆亲，无包尾。（有冇偶包？）今日特别多谢我嘅髮型师，帮我加固咗个头，佢话你尽情跑，唔会跌，放心。”至于会否担心出来的照片会不好看时，他则指“无得惊”，因为有黑图就等于证明了他们有尽力。
