何广沛公布婚讯前通知公司高层 大爆对方竟然有咁嘅反应 | 香港01
何广沛日前在社交平台上载与女友Sarah在沙滩手牵手甜蜜互望，女方手上戴上闪爆鑽戒的照片，宣布求婚成功，并留言：“She said YES！相信一见锺情的浪漫吗？而你却让我领悟到‘未见锺情’的存在，还记得那张不太清晰，但让我深深吸引着的照片吗？从相遇、相识、相约、相恋、相处、相爱，共同经历的一切，随著时间的推移，身份也期待着变化。My best friend, soulmate and the love of my life ”获不少圈中好友送上祝福。
何广沛今日（16/8）现身电视城出席《剪裁魔法师2》拜神。他就事件接受《香港01》访问时说：“其实点解会有咁嘅决定，係因为都同佢同居相处咗咁耐，觉得大家真係好夹，加上自己都唔细，都好想同佢组织一个家庭，同埋冇一个因由去拖，冇一个因由唔去做呢样嘢，加上自己都唔细。”
广沛续说：“我记得喺公布喜讯呢个时候，之前我都有返嚟公司同高层啲同事讲我有咁嘅决定，其中有位高层就话‘你都37岁啦，唔通唔结婚唔拍拖咩，呢个都好正常吖’，我係感觉到公司高层都好支持我。（求婚时太太有咩反应？）佢係好惊喜嘅，因为当时环境係比较低调，我突然向佢正求婚，佢係呆咗嘅，佢仲问我真係㗎？我到而家仲记得佢表情係好趣致嘅。就係咁佢就应承咗我。”
