明报：吴业坤揭与太太相识经过 入行10年历起跌 滑浪比喻初出道成功
35岁的吴业坤（坤哥）在2015年甫闯乐坛即创下神话，连续2年摘下叱吒颁奖礼“我最喜爱的男歌手”，并于红馆开骚。5年前由零开始，学习空手道的坤哥，今年再创传奇，变身运动员于5月代表香港，远赴乌兹别克出战亚洲空手道锦标赛。坤哥为空手道创作的新歌《感激的直拳》，接受商台《星光背后》访问。
坤哥称2018年开始学日文，绝非为追女仔，主要是因网上认识一些音乐人，有机会谈合作并到日本发展，巧合地亦经日本音乐朋友介绍认识爱子，他说：“係缘分，一识佢几有好感，畀佢好有自己个性吸引，相处好舒服。”
坤哥与爱子认识不久后疫情爆发，他庆幸有科技，解决Long D相思之苦：“Long D咗一段长时间，好彩有网上平台，可以facetime一齐睇剧或电影，或者一齐对住mon饮嘢。”
他承认婚前2人相处时间只是数个月，便已计划结婚：“真係几个月左右，究竟要拍拖几耐先可以结婚？7年？10年？有啲人3日就结婚！无嘢係绝对，总之我觉得係timing要做呢件事！”再问坤哥怎样认定爱子，是适合他的伴侣，他说：“係佢所有嘢！靓唔靓见仁见智，最重要係佢唔会觉得我係吴业坤，我入行15年，大家会畀唔同报道或者作品，影响对我感观，而我可以用最本人身分同佢相处，我唔係讲吴业坤係好劲嘅人，但係佢就係锺意我本人，同我真实性格，係好难得。”
坤哥感激爱子为他牺牲日本一切，陪他来港定居，“求婚前都倾过，佢思想几传统，会嫁鸡随鸡、会跟老公姓。到讲到实体经济问题，首先我喺日本搵唔搵到钱？其次佢嚟香港又会唔会习惯？最后我无得放弃香港事业，所以佢要放弃日本嘅工作。”至于老婆有没有考虑日本双亲，他说：“好彩日本年轻人同香港人好唔同，日本人好早就离开屋企去东京做嘢，係习惯咗独立，主要係佢适唔适应嘅问题。”
坤哥指太太适应力及语言学习能力强，居港3年多来，已解决语言问题，也在港认识了不少朋友及已成为KOL。
坤哥于2010年参加《超级巨声2》入行，等了5年才有机会出歌，但一出就爆红，谈等待那5年，他说：“头5年脑囟未生埋，见Alfred（许廷铿）、Jay Fung（冯允谦）好快有歌出，成日谂点解机会唔係我，无谂自己有几唔得！”
到爆红2年过后，坤哥体会何谓长江后浪推前浪：“我成日用滑水形容运，我本身谂住个浪细细地，我会滑得好顺畅，但突然嚟咗个超级大浪，我滑到好高亦可以滑到，但我係唔识落番嚟，亦唔识点继续接下一个浪。
当时我嘅技能都唔能够承接，睇番我以前啲相，又肥、头髮又乱梳、眼镜又核突又无突破，点会继续有人支持我？起跌无得唔接受，唔同我学空手道，努力就会有回报。”
经历起跌，坤哥学会感恩，“好彩𠵱家仲有机会出歌，仲可以做呢啲咁唔commercial嘅歌，讲真《感激的直拳》？搵边个听先？”坤哥指空手道令他学懂做人要有野心，“就算赢唔到，你都唔可以输，因为今年10周年，所以都想开巡迴，内地已经开始紧，希望一站一站做番嚟。”
