侠医｜丁子朗演活衣冠禽兽 强吻张曦雯 出言辱骂刘佩玥
昨晚（5日）播出的第5集《侠医》，丁子朗饰演的邓世铿可谓使坏Level Up，除了与“废柴老豆”邓力图（郑子诚饰），以阴招骗菊婆婆（程可为饰）卖楼兼落井下石踩多脚，又两度向Rachel（张曦雯饰）霸王硬上弓；其中在夜店、以极贱格及鄙视嘴脸、闹爆阿Nat（刘佩玥饰）一幕，成为网民热议的“名场面”。
事缘阿Nat妒忌世铿因Rachel（张曦雯饰）冷待自己，遂以世铿半裸照威胁男方到夜店见面；岂料世铿不但冇有怕、还嚣张地高举自己半裸照任人欣赏：“大家过嚟吖，我张相嚟㗎，英唔英伟呀？”之后再拿出阿Nat裸照益街坊兼辱骂阿Nat，极尽疯狂贱格：“你唔够玩嘅唔好同我玩，我惊到时蚀底嗰个係你咋！”凌辱完阿Nat后，世铿露出不可一世奸险样，再摊开双手表示万岁，网民讚丁子朗演衣冠禽兽入型入格！
谈到首度挑战大奸角即成功入屋，丁子朗称感恩，有网民讚他“蹙眉”动作有心思兼有意思，他坦言开心：“蹙眉呢个动作，我都做得几多，尤其对住我老窦时，因为佢喺我心目中只係废柴、冇谋略，但我觉得我有谋略，就睇唔起老窦、睇唔起屋企人，觉得自己叻过晒佢哋，估唔到有人留意到，我都有亲身留言多谢大家。”
问到拍摄强吻Kelly场口会否很大压力时，丁子朗直认不讳，并感激Kelly予以百分百信任及支持：“佢好好，佢叫我放心，仲话‘你随便做啦，我一定会随时配合你’，好开心佢畀到呢个信任我，阿Moon都係畀咗101%信任我。”
谈到剧中要应付不少除衫场口，他表示为保持身形在最佳状态，每次拍晒肌场口前先饿足2日，并瘦了10磅：“每次拍除衫戏前，我都会2日唔食固体食物、主要饮流质嘢，将身体多馀嘅嘢排走佢，然后再去做gym。每次拍完除衫戏都好攰，想即刻食包糖，平时我係完全唔食零食嘅人，可能就係因为太辛苦，我就慢慢变瘦咗，拍完套剧前后瘦咗10磅左右。”
