郑嘉颖回春20年 同陈凯琳结婚3年似热恋情
前港姐冠军陈凯琳2018年与郑嘉颖拉埋天窗，婚后诞下一对宝贝仔，现时甚少现身幕前，专心相夫教子过住少奶奶生活，闲时拍片分享扮靓、下厨心得，转战为KOL后人气有增无减。网民除咗爱睇佢分享生活日常，最锺意就系睇佢同老公晒恩爱！
呢日又奉旨放闪，喺2022年第一个Post，上载一辑孖住郑嘉颖影嘅合照，郑嘉颖一时孭住陈凯琳，一时又瞓喺老婆大髀，对住呢位Sweet爆老婆更笑到见牙唔见眼，沐浴爱河之中嘅郑嘉颖回春20年，完全睇唔出已经52岁！就算生咗两个小朋友，二人依然甜蜜似热恋期，唔少网民留言大赞：“好浪漫”、“好闪”、“Tooo sweet!!”
