新剧再演护士 蔡菀庭新角色有发挥：完全唔同演法
前华姐蔡菀庭（Tiffany）最近忙于拍摄TVB剧集《四十二章经》，剧中继《白色强人》后再演护士，她说：“两次做护士经验好唔同，第一次《白色强人》系做手术室护士，今次《四十二章经》系做急症室护士，都系护士，但系所讲嘅用语好唔同，今次做急症室护士，气氛会紧张啲，但演绎上就要好淡定，临危不乱，完全唔同嘅演绎，拍剧可以做到唔同角色，就系咁有趣。”
蔡菀庭指小时候有想过做医生，但因怕见血而放弃，她笑说：“其实都好受电视剧影响《妙手仁心》嗰排就想做医生、《律政新人王》嗰阵就想做律师、播紧《冲上云霄》就梗系想去做飞机师，所以最后做咗演员，咁就乜都有机会做到。”
