谷娅溦被许俊豪缚住虐打：佢掴到我见晕！
歌手谷娅溦于《爱上我的衰神》饰演阿欣一角，首度拍剧的她被指演技合格有馀，亦有人笑指是因为对手许俊豪太吓人，她才如此投入，该剧监制方骏钊则表示：“谷娅溦畀人缚住双手，同用布封口嗰幕，演到真系好惊，喊又真系眼红鼻红，反而文戏要再磨练吓。”
她专诚为该剧创作的插曲《我要和你在一起》，在网上亦掀起连番好评，网民直指歌词到肉，原来她收到剧本后十分感动，即时执笔作曲兼即晚完成作品，她说：“证明个剧本真系好有感染力。”
她还指由于许俊豪手掌和力气很大，故遭其掌掴一幕一度见晕：“真系好痛同埋好晕，佢只手几乎大过我块面。”
不舍《衰神》
至于首度担正女主角的陈嘉慧，受访时坦言感谢监制及不舍《衰神》：“今晚（7号）就系最后一集，好唔舍得，我啲屋企人都系，佢哋每晚喺海外都追紧。我觉得自己好幸运，入行短短4年就有咁好嘅角色，真系要多谢监制嘅选择同信任。喺演技上我知道我仲有好多进步空间，但都好多谢一班网民嘅支持同喜爱。我依家出街都多咗好多人认识，有好多人特登走过嚟话套剧好好睇，真系好开心，好多谢3位编剧写咗一个咁精彩嘅故事。”
