“小背心”许靖韵自认Pat大 丧操蜜桃臀唔好嘥
歌手许靖韵（Angela）近年推出的情歌，掀动不少人的感情，近日有乐迷反映她唱的情歌“没有最惨，只有更惨”，故希望听她唱开心歌平衡一下，遂启发她学跳舞的念头，她说：“我本身锺意听快歌，近排真系学紧跳舞，希望公司睇到我舞蹈上嘅进步，同埋我都想喺自己平台放多啲嘢，放啲跳舞片会多啲新鲜感。”
为了跳舞增添美感，Angela边学跳舞，边锻炼身体线条，目标是操出蜜桃臀：“想着牛仔裤有翘起嘅效果，觉得反正Pat咁大唔好浪费，希望两个月内可以操出理想效果。”
提到去年邀请歌手冯允谦写歌，Angela希望今年可以与不同单位再合作，笑言一定要老友林奕匡给她写一首快歌外，又正物色合作对象，她十分欣赏曾比特：“好锺意佢啲歌，想同佢合作。（合唱？）同佢有一齐拍节目，但未合唱过，可以试吓。”
Angela投入工作，但对感情就放慢脚步，自爆早前与圈外人约会，她说：“觉得自己好难搵到一个稳定男朋友，佢朝早7点起身，但我凌晨3、4点先瞓，作息时间唔系好夹。（食一餐饭就冇联络？）仲系好朋友，但好难发展。”她透露有次与堪舆大师工作时，顺道问姻缘，谁知一问，对方便转头走：“可能冇乜嘢可以讲，个人即刻灰咗。”
Credit：
场地：PHENOMENON WINE
