走出潜水意外风波 陈键锋趁封晚市前孖王贤志饭局
前TVB小生陈键锋近年转做潜水教练，去年6月一名中年男子于西贡跟教练一对一学潜水时，疑遇溺不治，而陈键锋被指为该意外发生时先行上岸嘅教练，虽然东网曾拍得佢由何文田住所搬往港岛区酒店，惟佢一直“潜水”亦未有公开露面。
估唔到寻日（7日）凌晨，艺人兼前东华主席王贤志（Vinci）就晒出同陈键锋及前女艺人欧子欣合照，似系三人饭局后合照，Vinci又回覆网友指张相系6日影嘅，计番时间，啱啱好喺正底封晚市堂食嘅前一日见面。
终于正式上水嘅陈键锋，明显比半年前搬窦时更显圆润，即使佢戴咗帽都见到佢染咗一头金发，加上一身七彩打扮，出到街都几吸睛。而Vinci都喺留言爆料：“我们也很少见面，找他非常辛苦喎。”睇嚟今次饭局佢总算走出阴霾。
