连诗雅爆被前度狠飞：佢冇讲分手就失踪！
艺人连诗雅（Shiga）、虾头（杨诗敏）主持的网上节目，新一集Shiga找来同门2个好姊妹黎纪君（Christy）和锺浠文（Zelia）做嘉宾，谈论其中一个分手题目。Shiga表示曾经有个前度冇真正讲分手，但失踪咗2个星期，她说：“都冇理由再问啦。”Zelia则说：“如果我对呢个人失望，我都唔想讲、连同佢沟通都唔想，试过佢不停搵我，联络晒我身边啲朋友，但我会匿埋，就算佢唔死心，我都会继续沉默。”
虾头表示如果要分手，她表示会好决绝：“我嘅处理分手方法会装强，但事后自己好难受。”Christy坦言从未被人“飞”过，她承认好胜：“我一定要抢先同佢讲分手，呢样嘢系要改吓，咁样太好胜。”在感情上她不会拖泥带水，觉得咁样做对双方都冇好处。
对于有些情侣分手皆因不得对方父母欢心，Shiga坦言有遇过：“我会走啰！如果个男仔有承担同我讲‘唔紧要如果我屋企唔锺意你，我锺意！’呢啲咪型啰。”Zelia就试过男友的姐姐因她做娱乐圈而不喜欢她，虽然过到对方父母嗰关，但男友的姐姐会在男友父母面前讲好难听的说话，她说：“啱啱开始时系有少少唔开心，会有脾气，但慢慢发现同我真心相处，就会接受我。”
