陈展鹏塞硬胶扮女人：唐诗咏都忌我几分！
TVB剧集《铁拳英雄》今晚（10日）首播，此剧演员陈展鹏、唐诗咏、陈山聪、姚子羚等以“真功夫”上阵拍摄，每位都身怀绝技之馀，打时拳拳到肉，而剧中不乏搞笑场口，观众欣赏时有视觉刺激之馀，亦会笑到飞起。
而第3集（12日）播映一集中，诗咏、展鹏就上演“谐趣”表现，剧情讲述剧中的诗咏为求达到目的，与展鹏齐齐跳艳舞，一个扮到鬼火咁靓，一个就反串上阵，相当爆笑。诗咏接受东网访问时，坦言从演以来首次跟男人争妍斗丽，更大爆反串上阵的展鹏为了装扮够“骚味”，摄了多个“砵仔糕”，诗咏笑言：“展鹏真系好正，佢嘅女装好‘惊’艳！（咁你有冇摄Pad呀？）我冇呀！因为我本身件衫都有，但佢就垫咗好多嘢喺入面啰！”
而诗咏的艳舞装亦很突破，她说：“我未试过着呢一类衫，本身套衫同头饰都超重，不过真系好靓，多谢服装同事咁有心机一针一针钉啲珠片上去，同埋件衫实在太少布嘞！拍嗰日我都忍住冇食嘢！”而她与展鹏都要跳舞上阵，诗咏大赞原来自己都可以好“正”，“我发现自己都唔系好识用个身躯去感引人，但拍完呢场戏之后，我发现原来自己都几正。”
少有反串上阵的展鹏造型实在令人爆笑，为了这场戏，他更将脚毛剃清，滑嘟嘟上阵，他说：“其实要跳舞都唔系重点，重点系喺身材上面。（诗咏爆你摄晒Pad？）点止Pad咁简单，我啲身材咁平，即头要塞晒硬胶啦！塞完真系眼前一亮，诗咏都即刻忌我几分。”
