高海宁生日收花冧到入心 全城竞猜边个送！
TVB咪神高海宁（高Ling）听日（13日）35岁生日，呢几日佢就四出同Friend食生日饭，今日（12日）佢就约咗朋友仔食生日Lunch，不过佢就够晒神秘，刻意唔甫系同边个食，净系晒出自己食饭食到有花收嘅靓相，仲暧昧留言：“🥳别人送我生日礼物 他们说要送我经历和美好回忆 收到晒！💙💙💙”即刻令网友有无限联想！
虽然佢写到明系“他们”送花，但见佢甜到爆嘅笑容，唔少人都估系男仔送嘅，不过好友宋熙年就留言问佢锺唔锺意自己送嘅花，明显就系想公开“插旗”示意啲花就系佢送嘅，等网友唔好再乱谂。
