陈庭欣爱犬“一姐”又闯祸 扮无辜表情包融化网民
前港姐陈庭欣（Toby）热爱养宠物，除咗养咗多只鹦鹉鹦鹉之外，仲有养咗只2只狗仔，其中1只狗仔“一姐”就好百厌锺意咬嘢，之前就试过咬烂男友嘅银包、2把风扇、吸尘机等，Toby日前喺社交网话“一姐”又闯祸，呢次中招嘅系佢邻居，佢留言：“一姐又一新杰作，邻居嚟食饭，（眼镜）放咗喺梳化靠背位置最顶，咁都畀你当咗玩具！哎！闹你就皱晒眉头，一脸无辜样子。”佢邻居就真系惨惨猪啦，过嚟食餐饭就整烂咗副眼镜！
Toby仲话之后会加强对“一姐”训练：“教识你唔摷垃圾桶，教识你唔再咬烂银包，加强培训！”而网民冇怪责“一姐”，反而大赞佢好得意呀，仲话被佢个扮无辜嘅皱眉表情包完全融化呀！
