心机女陈桢怡冧高层博做范冰冰 周子扬：走火入魔！
前港姐亚军陈桢怡（Celina）公开认恋圈外男友Andy，但同时又暗挞周子扬达一年半，周子扬更晒出爱的证据以示其“正印”地位，这个三角恋风波东网率先爆出后，昨日（15日）再有新爆料，有指入行前是设计师的Celina本是跟男友食快餐的“纯纯兔”，但当选港姐入行后就因好胜才渐变“心机女”。
2020年Celina当选港姐后获TVB重用，大骚如台庆及综艺节目必有份出镜，虽机会不断，但爆料者称同届冠军港姐谢嘉怡，以及季军郭柏妍开始入组拍剧后，Celina就开始“眼红”，爆料者称：“佢事业心好强，好想拍剧做女一，TVB安排佢做儿童节目《Think Big天地》嘅主持都有被欺负嘅感觉，成日Chur住喺娱圈捞咗10年嘅周子扬，问佢点样先可以上位，又怨自己唔似其他女仔咁多机会。心痛女友嘅周子扬就教佢对啲高层好啲，送啲有‘诚意’嘅礼物，写埋心意卡，不过出钱、做跑腿、写卡呢啲嘢，都由周子扬包办晒，仲教埋Celina点喺高层表现自己几有Heart做呢份工，仲要同传媒打好关系。周子扬做男友、做幕后军师、应援组长、司机、助手兼经理人，可以话用尽男友，之后Celina真系有机会返内地拍剧。”
目标做范冰冰
知情者续称周子扬除助Celina有剧拍外，因他是科技短频平台老板，和广告客户有生意来往，Celina就把握机会：“佢叫男友弹啲广告畀佢拍增加曝光率，唔使经TVB经理人倾，接咗Job先，同无綫‘单’声就得，佢仲猛Chur周子扬介绍之前喺内地识落嘅导演同监制畀佢识，等佢可以返内地发展，佢目标系要做范冰冰，即系好红嘅女一。”
周子扬曾劝过Celina，在演艺圈发展不可一步登天，但她充耳不闻，知情者更指日前曝光的情人节蜜照中周子扬送上的钻戒及钻石耳环，如此厚礼仍难博红颜一笑：“被弹，嫌细，Celina话要买大粒10倍。”
想寻求简单爱情
周子扬昨日（15日）接受东网访问，被问到以上送礼、写心意卡、私下倾广告等传闻，他说：“我一直瞓身支持女友嘅事业发展，佢想做乜，我都会支援。”再问Celina如公开他的男友身份，可会和好如初？他说：“其实我一直想寻求简单嘅爱情，如果Celina变番入行前嘅佢，我会一直爱佢。入行后，佢变得急功近利，超级想上位，有啲走火入魔，我哋拍拖嘅话题，只系倾点上位，令人心痛，除咗我之外，佢妈咪见到佢咁样都好伤心。”Celina至今仍未有回覆。
