提名6次女配角︱有线帮个个发围 谭凯琪自认恨做女一
艺人陈敏之开设网上视频频道，今集就请来同门谭凯琪（Zoie）做嘉宾，两人都是日本著名音乐人小室哲哉的弟子，当年曾一起远赴美国录音再受训，已经相识22年，两人以“老Zo”和“老陈”相称，可见感情非常深厚 !
作为“有线帮”的Zoie在2013年才转投无綫发展，不过相比起其他“同帮派”的李佳芯、黄翠如、洪永城，近年才有机会给人认识，她更连续六年在《万千星辉颁奖典礼》上获提名角逐“最佳女配角”，不过仍未试过担正在女主角。她在片中就坦言想事业更上一层楼，自认恨做女一！
虽然已是一女之母，但Zoie直言事业心仍然好重：“我都想澄清一下，唔系因为结咗婚，生咗小朋友，我嘅事业就系咁，我都系仲有一颗心系想闯一番事业，同埋因为有咗小朋友，你都会想畀啲成绩囡囡睇，希望佢喺读书或者做嘢方面都有呢个向前嘅心。”Zoie同敏之都认为自己比年轻一辈的演员更挨得、更有火！
敏之在片中就问到Zoie会拣“Keep住做第二女主角”还是“爆红一次就被人淡忘”，她就选择了“Keep住做第二女主角”：“好似长做长有啲，但我想讲我年年或者系套套剧一出嚟嗰时，又话我弹起，其实呢我喺人生中唔知弹起咗几多次，但系我又唔觉得有啲乜嘢，弹咗去边呢？我都想问。”
Zoie自言曾想过点解未有机会做到女一：“我都不断自己喺度检讨，系咪仲有啲咩唔够呢？你话戏方面，当然系可以有进步空间嘅，机会虽然有时系自己争取，咁我事实系一个唔系好主动嘅人。”
其实Zoie自2013年加入TVB以来拍过不少剧集，当中她在剧集《EU超时任务》中饰演的水晶梨、《大帅哥》中的叶天娇、《降魔的2.0》的海魔阿花等都令观众留下深刻印象，而她在剧集《踩过界》中更挑战尺度，全裸演出形体艺术家“魏雨珍”一角，相当大胆！
