内地开工10个月！黎耀祥返港拍剧：希望年底拍《巾帼4》
视帝黎耀祥、龚慈恩、蒋祖曼、朱敏瀚、郑俊弘今日（28日）在将军澳电视城，为剧集《轻•功》试造型及拜神。去年一直在内地工作的黎耀祥原来已经在内地逗留10个月，今次返港拍剧兼过新年，他说：“一路都有工作喺上面，因为往返要隔离所以一路都冇返落嚟，眨吓眼就10个月。（喺内地做咗好多综艺节目？）系呀，因为。‘大湾仔’嗰班做得几好，佢哋综艺节目就想搵啲大湾区嘅演员，咁啱我同邓萃雯都喺内地，所以一齐做咗3、4个综艺节目。（《巾帼枭雄4》几时拍？）依家筹备紧，都筹备咗好耐，好嘅嘢梗系要耐啲，希望年尾拍，《巾帼》班粉丝都等咗好耐，都相隔10年，好难得有一个拍档可以咁夹。”
至于新剧，黎耀祥透露将在初七将开工，剧中饰演一个昔日动作演员，剧情属温情邻里剧，他指趁开工前可在新年老友叙旧，问人可会相约人气爆灯的陶大宇叙旧？他说：“大宇哥好好嘅，希望同佢可以喺TVB拍剧，大家都好耐冇合作。”
