暖意浸新春！古巨基2岁囝囝咬住奶嘴同大家拜年
歌手古巨基（基仔）曾一度为囝囝Kuson（古晋匡）闭关两年，好在佢早前宣布准备回归乐坛，虽然大搞事业，但始终阿仔先系佢嘅Focus，寻日（1日）年初一佢就带埋阿仔拍片，同大家拜年。基仔以“Kuson 第一次代表爸爸妈妈拜年”为题，晒出佢从后揽实阿仔嘅新片，Kuson眼仔睩睩，个口仲咬住奶嘴，不过最厉害系佢可以边食奶嘴、边跟爸爸讲出贺年祝福：“恭喜发财！身体健康！好嘢！”又多次拍手、抱拳等，真系Cute到加零一，难怪老窦喺佢身后笑到见牙唔见眼，讲嘢都不自觉地用咗BB声，父子合体冧晕网友。
