点止齐阴咁简单！炎明熹罕晒百变造型 网民直呼认唔出
“声梦小花”炎明熹（Gigi）最大特色嘅就系其招牌刘海，但其实佢除咗齐阴之外，以往都试过好多唔同嘅造型，而且每换一个新Look，都有截然不同嘅感觉，相当百变，难怪连Gigi自己都笑言认唔出。
呢日就喺社交网大晒一系列嘅“认唔出”靓相，其中一张相见佢头戴黑色渔夫帽、配全黑打扮，加埋超浓眼妆，十足韩星一样，而另一张相佢着上白色纱裙，绑上发髻、花花头饰及梳成中分发型，似足新娘子咁，完全认唔到系年仅16岁嘅Gigi。
佢笑言：“啊，看！远方的GI给你发来一则讯息，请偷偷地观看，不要给那位Gi发现了，你们认得出GI吗？”唔少网民都话认唔出，笑指因为嗰个并唔系“炎明熹”，而系“王佳恩（炎明熹本名）”咁话。
