据香港东网报道：喺新年最期待梗系…

据香港东网报道：喺新年最期待梗系𢭃利是啦，如果嗰封利是系女神畀嘅，会唔会开心1000倍呢？日前内地“千亿点击女王”#赵丽颖#喺工作室影相，嗰日佢着咗湖蓝低胸晚装，加埋一头微曲嘅公主发型，性感得嚟又高贵，当佢影完相准备收工走人前，突然攞咗一大叠利是出嚟派畀工作人员，祝佢哋身体健康。
虽然@赵丽颖 贵为内地一线女星，身边有大批助手、保母同工作人员待命，派利是呢啲嘢大把人争住为佢代劳，不过佢就为表示十足诚意，就选择亲手派，而且派嗰阵，仲系微微弯腰，面带微笑，超级有礼貌咁逐位派，当然人人有份，永不落空啦。
等一班人员开心收利是后，就轮到佢Happy，因为有工作人员抱住只白雪雪嘅小狗嚟同佢玩，原来佢都系爱狗之人，一见到只狗就争住抱，仲同只狗狗玩抛波仔，可惜因为赶时间关系，佢望吓只表就同只狗讲bye bye，不过又唔系好舍得喎，所以佢就决定同狗狗自拍留念，仲紧接send埋张相出去，不过咁唔知佢咁心急send畀边位。