戴祖仪低胸去海边冻到震：竟然冇人担心我！
星梦歌手戴祖仪 (Joey) 早前为自己有份主演的TVB剧集《青春不要脸》插曲拍摄MV，歌曲《自我处理》是她亲自填词：“我系首次为歌曲填词，自己只喺中学时代学过中文，今次要喺脑海里面寻回当年学嘅中文，好彩有填词大师杨熙帮手修正，令大家可以见到依家呢份词，原来见到自己喜欢嘅填词作品出世，真系有好自恋嘅感觉。”
她特别重视今次MV拍摄，提议多个景点，更出动大量靓衫、靓首饰，笑言：“好耐冇出自己新歌，当然系想拍得靓靓，其实都有私心，可以乘机为自己品牌饰物卖吓广告。其中一个地点喺石滩，喺冬天着住低胸吊带长裙企喺海水边，当海水涌埋脚嗰吓，真系冻到震。但最搞笑系网民担心我丢咗出去嗰部相机，好多留言问相机系咪道具，居然唔系担心我有冇冻亲！”
玩男友视角
今次MV更大玩男友视角，她全程要靠幻想在镜头前演独脚戏：“对手就系只得一对手，要靠工作人员借出双手，有好多甜蜜镜头，去满足男性对心目中女朋友嘅幻想，等大家代入同我拍拖之后分手，有嗰种浪漫虐心嘅感觉。”
