嫌1个未够喉！何雁诗郑俊弘倾掂数：谂住再生B
歌手郑俊弘（Fred）跟太太何雁诗（阿诗）早前宣布造人成功，一索得男，囝囝将于6月出世。当日阿诗用验孕棒得知有喜，并非第一个通知老公，而是先向闺蜜报喜：“因为当时我都唔太肯定，所以Send畀伴娘睇，佢都话似我先同阿Fred讲。”
Fred表示太太一直有用验孕棒，结果却似是而非：“我仲问佢系咪㗎？”直至由医生亲口证实才相信，阿诗获知确认怀孕一刻即欢呼大叫，她说：“Fred听埋BB心跳声先真系信。”
自小经常幻想怀孕状况的阿诗笑说：“到依家真系有只脚仔踢你个肚，身体会起变化，个感觉更神奇，同妈咪嘅关系都亲密咗。”她会选择顺产的方式，因为想体验生仔的感觉：“知道会好痛，但又唔系经常。（生多个再感受吓？）有谂住生多个，但试咗凑呢个凑成点先。”
请定假陪坐月
Fred坦言本计划多享受几年二人世界才生小朋友，他说：“想准备好啲先，唔想佢将来辛苦，怕会教得唔好。”于单亲家庭长大的他表示没有父亲作榜样参考，只好向朋友请教：“张頴康叫我攞定假陪太太坐月，否则会错过好多嘢，我自己都有上网睇吓啲育婴知识。”虽然紧张BB成长，但他们会学好放松心情面对，阿诗说：“最紧佢要健康，做个心地好同坚强嘅人就够。”
