忆做临演获陈道明赏识！林夏薇哽咽：努力会畀人睇到
艺人林夏薇（薇薇）今年初凭《七公主》中的“顾语嫣”一角夺得《万千星辉颁奖典礼2021》“最佳女主角”殊荣。近日忙于拍摄TVB新剧《法言人》的薇薇，早前百忙中抽空接受TVB娱乐新闻台《Star Talk》专访，与主持潘盈慧大谈得奖感受，及入行多年来的得著。
谈到宣布得奖一刻，薇薇坦言当时脑子一片空白：“真系好难形容，我呢世都会记得嗰刻嘅感觉。”入行转眼已十多年的薇薇，于北京中央戏剧学院表演系毕业，并一步步慢慢挨至今天的成绩，她笑言：“好记得当年由冇对白嘅临演，临时演员都系演员啦，行行企企拍吓手咁，再由冇对白到同主角有一、两句对白咁，再由配角去到主角…所有呢啲画面都历历在目，好似时间停顿咗咁。我当时上台攞奖其实好想表达畀妈咪听，好彩我嗰时冇放弃。”
薇薇指当晚站在颁奖礼台上，脑子里闪过了当年为内地剧《手机》“跑龙套”时，与当时已是内地一级演员的陈道明的互动画面：“当时我系临时演员，好荣幸可以同陈道明老师有对白，我系负责演参赛嘅选手。拍嗰时我喺台上，陈道明老师喺台下，当镜头掉转要拍番老师佢哋时，台上其他（临时）演员走晒，得番我一个，咁我咪畀完A（反应）再畀B同C（反应）啰。跟住陈道明老师就赞我好专业，佢话：‘你咁细个，都识得要留喺度畀对白。’佢嗰日加咗戏畀我，仲教我应该点样做反应。嗰日我明白到更加要坚持演员呢个梦想，无论系几细嘅角色，努力系会畀人睇到，同埋就算唔系拍紧你，都一样要专注。”谈到演员初心，薇薇更边说边含泪哽咽，相当感性。
对于赢得视后后备受争议，薇薇回应谓：“个奖对于我系好嘅开始，系一种鼓励同肯定，佢系鞭策紧我嚟紧要做好每个角色回馈观众。其实嗰晚我好感动，我收到好多电话同讯息，有啲讯息仲要好大篇文，反而我啲朋友好担心我，然后我因为咁先留意到原来有人咁觉得，因为嗰一刻真系太多嘢要处理。”
