训练班一毕业即跑出！班草区俊贤获封“嫩版黄宗泽”
TVB新人尽出，近日就有一位新人都未正式拍剧，啱啱先喺“2021年第31期艺员训练班”毕业冇耐，已获得网民喜爱，率先跑出！呢位新人就系区俊贤，虽然佢尚未正式出镜，但就有网民从芸芸训练班学生中发现其身影，大赞佢颜值高似足“嫩版黄宗泽”，同时带有韩国Oppa味道，喺同班演员中相当突出，网民纷纷指佢值得被力捧，有望成为一线小生。
其实区俊贤早被TVB赏识，一毕业就有机会参演新剧《曙光》，与视帝郭晋安合作，当时佢现身试造型时，虽然排最后一排，但仍冇被其他艺人抢走光芒，依然吸引唔少网民目光。不过睇番其社交网，原来佢细个嘅时候系一名肥仔，即令网民直指：“肥仔都系潜力股”！
