食住剪发潮！钟嘉欣操刀为囝囝变发 新Look怀旧味浓
近日香港因防疫措施令发型店暂时停业，令唔少人都选择自己在家剪发，更掀起剪发热潮，虽然艺人锺嘉欣已经返回加拿大，但佢都食住呢个“剪发潮”，亲自操刀为留有一头长发嘅4岁囝囝Jared“变发”转新Look！
不过首次帮囝囝剪头发嘅嘉欣对自己嘅手艺极冇信心，事前先打电话向妈妈求救，又上网睇片恶补，到正式落场时，嘉欣犹豫不定，迟迟都未决定点落刀，搞到初时坐定定嘅Jared都等到唔耐烦，不停嗌走，但好在都成功畀嘉欣剪好新发型，见Jared嘅新Look好有型，前阴梳高后仲好有80年代味道，Jared亦好满意，但嘉欣就唔收货，最后都系带囝囝去发型店补救。
