睇大结局睇到爆喊 姚焯菲有花收即笑番晒
由声梦学员主演嘅《青春本我》昨日（13日）大结局，一班演员相约齐齐开Live陪大家睇大结局顺道宣传今日（14日）推出嘅原声大碟，其中姚焯菲（Chantel）与炎明熹（Gigi）、锺柔美（Yumi）及张驰豪（Aska）开直播时，Chantel就因为睇结局睇得太投入抽离唔到不停爆喊，众人即纷纷安慰，Gigi更笑指：“我唔会喊因为我唔想补妆！”凼得Chantel又喊又笑。佢哋仲趁机大做“2”字手势，集气希望剧集可以加开第2辑。
虽然寻日唔舍得大结局搞到喊晒口，不过Chantel今日同朋友相聚，身为“国民初恋”嘅佢仲有花收，即时笑番晒，唔知边位男仔咁幸运，可以向女神送花呢？
