情人节同老婆困兽斗 陈展鹏自爆与单文柔大战360回合
今日（14日）是情人节，艺人陈展鹏与唐诗咏要为剧集《铁拳英雄》宣传，展鹏称原本今日要拍摄新剧《隐门》，但临时取消，可以提早返跟太太共度情人节，问他如何庆祝时？他笑言：“都系困兽斗，只可以喺屋企大战360回，要等个女瞓咗觉先可以开战，佢愈迟瞓我哋嘅二人世界就愈短，个女平时10点先瞓，睇吓今日可唔可以畀个女放吓电先，希望佢早啲瞓。”
他透露投诉年年送花冇新意，会准备惊喜给太太又会亲自下厨，他笑谓：“今年考虑整吓鹿尾巴、当归、参茸呢啲啦。”
至于单身的唐诗咏自言同样精彩，会跟家中两只猫咪大战：“我今朝去完跑步，收工就去买餸再返屋企喂猫，佢哋每隔两个钟就要喂一次，如果我将来生仔应该会适应到。”问到可有追求邀约？她指疫情下也不会应约，今年是最平静的一年：“我会静静等Mr.Right出现。”展鹏就叫她先练好体能。
另外，讲到展鹏主演的《逆天奇案》将开拍续集，但主角之一的冯盈盈传被飞离剧组，展鹏表示：“我都未收到消息，可能我都只系客串呢，话10月开拍，但都未知开唔开到，希望有足够时间同资源下开工。（唔可以原班人拍摄，觉唔觉得可惜？）盈盈之前好多工作，都需要休息吓。”
