隐世娘娘大点兵！陈桢怡被爆一拖七男女通杀
有“长腿女神”之称的前港姐亚军陈桢怡虽仍身在内地，但“正印男友”周子扬趁昨日（14日）情人节送“超级大礼”，踢爆她在TVB狂收5名观音兵，而且男女通杀，其裙下之臣各具功能，连他及陈桢怡圈外男友Andy共7人，堪称“女版韦小宝”！
自称深爱陈桢怡（Celina）的“正印男友”周子扬，之前爆女友一脚踏两船。虽然他们现时分隔两地，不过适逢昨日是情人节，他照送“大礼”，大爆女方左右逢源，除了有拍拖4年的圈外男友Andy及跟他相恋年半外，依然在TVB最少狂收5位兵，包括前天堂鸟成员Lincoln、在《爱回家．开心速递》饰演“龚烨”和“熊若水”囝囝的何超莲前度黄俊豪（Jeremy）、韩国广告男模、TVB高层曾励珍爱将林正峰及冯盈盈的中性打扮女助手，指Celina享受做“隐世娘娘”。
“因为可以利用佢哋”
问到如何发现女友收兵？周子扬表示和Celina拍拖时，一直兼任司机，但自从女友力求上位后经常讲大话：“佢有次叫我唔使嚟车佢，一时又话瞓觉熄电话，点知Lincoln、Jeremy喺网上甫佢啲相，原来去咗同佢哋玩。我同Celina讲过娱乐圈啲人好复杂，唔好同啲男仔行咁埋，佢就话唔锺意圈中男仔，同佢哋玩都系因为可以利用佢哋，佢只爱我。”
周子扬以为“温馨提示”后女友会收敛，不过对方变本加厉，竟到Lincoln西贡寓所开Party：“我去车佢返屋企，原来仲有Jeremy、成班港姐谢嘉怡、郭柏妍同绯闻男友‘头皮’吴卓衡，成班又玩又煲烟，有人仲见到Jeremy甫咗同Celina跳贴身舞，佢哋咁玩唔系第一次。”据当晚出席派对的人士透露，Celina除狂煲烟外，Lincoln、Jeremy及谢嘉怡亦是“烟民”，而谢嘉怡和Jeremy相熟，全因女方的圈外模特儿男友是Jeremy介绍。
他续爆Celina公开有男友Andy，而Lincoln亦有落选港姐女友，不明女友仍背他跟Lincoln、Jeremy与林正峰等传暧昧短讯：“Lincoln话请Celina食糖，Jeremy约去玩，林正峰又约佢返无綫canteen食饭，唯一嘅原因系佢锺意收兵啰！”
Celina乐于周旋在众“兵”之间，全因搵着数，周子扬说：“Celina同我讲咁先可以多啲机会，因为Lincoln有剧拍又识得人多，可以介绍经理人私下帮佢接Job；Jeremy系专业模特儿，可以介绍多啲广告畀佢；林正峰系TVB高层曾励珍爱将，可以喺个男仔身上收到好多料，所以林正峰请佢拍节目，佢一口答应，仲喺个节目度电到林正峰魂魄唔齐。至于韩国男模可以弹啲韩国工作畀佢；冯盈盈位女助手本身系摄影师，帮到佢影靓相出甫。”
为上位扮女神
问到为何连番爆女友大镬？他坦言因为顶唔顺：“我好爱佢，连佢啲‘兵’都可以包容，但佢唔应该咁假，为咗上位扮女神，好多外国明星好似Lady GaGa都好狂野，Justin Bieber系坏男孩亦好红。唔该佢做番自己，我就收声。”
至于现时和Celina的关系，他称：“最后一次通话系佢叫我唔好认系佢男友，同埋好挂住我，不过已经成个月搵唔到佢，我都唔知依家同佢系咩关系，我好想佢同我讲清楚。”而Celina至今仍未回覆。
谢嘉怡否认吸烟：屋企人一定唔畀
港姐冠军谢嘉怡被同届亚军闺密陈桢怡殃及池鱼，被爆是烟民。她受访时表示：“屋企人一定唔会畀我食烟，我外婆由细到大都食烟，搞到有肺部问题，所以我一定唔会食烟。”至于有传其模特儿男友由黄俊豪介绍，她表示：“黄俊豪系介绍咗好多新朋友畀我识，佢喺澳洲读书，所以介绍好多‘ABC’嘅朋友畀我，不过我冇拍拖。”
她出示昨日跟父母行山及放风筝的照片，以证情人节陪家人而不是男友。她又表示曾联络身在内地的陈桢怡，但只是互祝新年快乐。
