被指做兵！天堂鸟Lincoln与陈桢怡斩缆：同佢冇乜联络
前港姐亚军陈桢怡（Celina）被“正印男友”周子扬爆在TVB狂收观音兵，而前天堂鸟成员Lincoln是其中一位，更指Lincoln曾相约Celina及其他港姐到其西贡寓所开Party，食烟、跳舞玩到癫，又不满他本有落选港姐女友，但仍频约会Celina。
Lincoln对于周子扬爆料，他说：“我同Celina系艺训班嘅同学，个阵久唔久有啲聚会，通常系有人生日或大时大节，都系一班人，从来冇单独约会过喎。同埋不嬲都冇食开烟同冇港姐女友，加上我同佢冇乜点联络，所以佢嘅私人事我完全唔清楚。”
对于被指是陈桢怡“兵仔”之一的林正峰，否认其事，指跟对方只是同事关系：“话我同佢返公司食饭，系大概一年前嘅事，因为当日只有我同佢要返去彩排慈善节目表演项目，所以一齐返公司食饭，工作需要。另外，我只系公司嘅低下阶层，冇收风同放风，亦好少同他人谈论公司嘅事，一直都只系尽力做好自己本分。最后，呢个始终系佢哋嘅私人事，希望呢件事尽快完结，唔好再影响其他人，望大家将重点放喺公司作品同制作上，谢谢。”
至于同样被指是“兵仔”的黄俊豪亦否认其事，指跟女方是上年一齐读训练班，派对只是成班同学一齐搞的圣诞聚会，并冇单对单约会。对于周子扬连番爆料，黄俊豪则说：“作为同学或朋友，Celina私人生活我唔会Comment啦！”
