重新活跃社交网！杨明亲自炮制蛋糕贺庄思明生日
艺人杨明近日走出交通意外案件阴霾，逐步重新活跃于社交网，不但于日前情人节上载与女友庄思明合照放闪，昨日（15日）庄思明35岁生日，杨明都有为佢庆祝，仲亲自炮制朱古力生日蛋糕，面头仲用朱古力铺上“Lisa”英文名字，相当有心思，而庄思明都好满意，佢表示：“今年嘅生日真系好惊喜因为我冇谂过你会亲手整个蛋糕畀我，多谢你为我制造呢个小惊喜，第一次整朱古力蛋糕嚟讲真系好好食。（大家唔好误会，个公主蛋糕系佢订嘅，朱古力蛋糕先系亲手整㗎。）今年应该都系我着得最hea嘅生日，冇化妆冇梳头冇换衫，平平淡淡开开心心喺屋企过，谢谢你为我做的一切，I love you。”
