陈凯琳晒旧婚照放闪 被郑嘉颖咀到拗晒腰
前港姐冠军陈凯琳同郑嘉颖结婚3年，喺大家嘅见证下成为圈中模范夫妻，尤其陈凯琳特别爱网上放闪，成日都专登搵摄影师拍下一家四口嘅相处时刻，非常幸福！虽然情人节（14日）已经过晒，不过寻日（16日）陈凯琳都依然坚持出“应节”Post，佢就自爆因为近日为咗大仔Rafael嘅3岁生日而忙碌，搞到连浪漫节日都要押后过，而佢嘅庆祝方式就系晒出同老公当年影落嘅Sweet爆婚照，其中一张就见到两人着晒婚纱，郑嘉颖更一手孭起陈凯琳，Man到爆！
不过令人最期待嘅，梗系陈凯琳喺婚礼晚宴上面，畀郑嘉颖咀到拗晒腰嘅相，不过张相就Blur到净系见到个影，完全睇唔到二人嘅表情，搞到网友都好想知系咪陈凯琳怕丑得滞，定系本身张相就系咁呢？
