同陈桢怡分手一个月 传周子扬偷食人妻：佢话自己单身
前港姐亚军陈桢怡被爆背圈外男友Andy暗挞周子扬，陈桢怡续被爆出收兵“一拖七”及系长期烟铲，最终佢都公开道歉，并向周子扬宣告分手，而“被分手”嘅周子扬前日（17日）亦正式承认二人已结束关系，不过就大爆与陈桢怡分手时对方已另有新欢，感情生活七国咁乱。不过原来花生仲未食完。
今日（19日）就有短讯对话截图流出，指周子扬去年5月喺酒局上认识一位30多岁嘅人妻W小姐，二人不时密会，消息更称周子扬自揭系第三者（11日）后，依然有心情同人妻去到北角一间酒店“开房”。
之前周子扬公开与陈桢怡嘅对话截图，就以“BB”爱称嗌对方，喺今次流出嘅对话截图中就见佢以“Baby”嗌人妻，并喺酒店密会后传讯息畀对方问：“Baby你安全回到家了吗”、“你安全到达屋企 我就放心了”等。
而爆料者有指就系该位人妻嘅老公，并指去年周子扬指送人妻返屋企时，喺车上湿吻时被佢撞破，周子扬先表示唔知人妻已婚，多次认错后亦保证唔会再同人妻见面，但最终因其介入而令二人夫妻关系难以修补。
对于爆出偷食人妻一事，周子扬自己认识W小姐，并表示同陈桢怡系1月2日分手，之后有正常识朋友，而佢亦好肯定W小姐冇结婚。周子扬就此事回覆东网，指自己同“人妻”见面都系成班朋友食火锅，更加冇送对方返屋企，因此冇发生过“湿吻事件”：“我冇认识任何人妻，佢话自己单身，亦好肯定佢冇结婚。对上一次见面都系成班朋友食火锅，都系正常社交，认识朋友，更加冇‘开房’及‘湿吻’呢啲事，我都冇送佢返屋企。”
至于为何昵称对方为“Baby”？他没有正面回答，只说：“佢哋系圈外人，唔想因为我影响到身边朋友，希望事件尽快平息，否则唔会再有朋友肯陪我食饭。”至于爆料人身份，他估计可能是对方的前男友生安白造。
