王馨平大懵唔见身份证 黎瑞恩朋友帮手执番
歌手王馨平（Linda）日前不小心遗失身份证，但她估不到竟然是黎瑞恩（阿恩）的朋友执到，她觉得好神奇，阿恩笑说：“唔系我朋友，其实系我朋友嘅朋友执到，最后有人问我同Linda熟唔熟？跟住话我知佢跌咗张身份证，真系好神奇。”
Linda透露当日因为准备去打疫苗，为方便才将从银包将身份证拎出来放在裤袋，点知偏偏落的士时跌了，她说：“最初以为跌咗喺的士，打晒去的士台，又返屋企摷，希望系跌咗喺屋企门口，点知都冇，点知3小时后突然接到阿恩嘅电话，我仲讲笑话：‘唔系你执到啩！’真系咁神奇。”
原来有人在她落车的马路边执到，对方没有交去警署，因为从身份证认得她，觉得始终是私隐，而对方认识容祖儿妈妈，再辗转由祖儿通知阿恩找她，她笑说：“之后我同嗰个人联络咗拎番。”本身是瑜伽导师的她，受疫情影响只能安排给学生做线上课程，她说：“不过我都有喺网拍啲简单嘅嘢瑜伽、拉筋片，等大家喺屋企都做吓，松吓筋骨，对身心都有啲帮助。”
