陈敏之爆料！胡定欣太恶吓到方力申唔敢追
艺人陈敏之近年开设网上影片频道，访问唔同艺员朋友，而寻日（25日）就推出新一集，今次佢邀请咗同佢相识近20年嘅好友胡定欣上嚟倾偈，陈敏之除咗分享凑仔经之外，仲大爆唔少秘密！
其中佢就爆料指唔少男同事都同定欣几friend，但私底下就觉得定欣好严肃，更爆料同是定欣好友嘅方力申，因为觉得对方好恶，所以未有展开追求。定欣见状即望镜头扮嬲：“讲咩呀你？”非常搞笑！
另外，佢又大爆处女座嘅定欣要求高，而胡定欣亦承认说：“其实对人哋要求仲高，唔系一件好事，尤其系对人，我对自己要求高系OK，但对身边嘅嘢更加高要求，因为永远身边嘅嘢系永远你都控制唔到，但你又要有要求喎，所以大个咗，经历多咗，你就知道要点样将处女座嘅特质去平衡。”而网友亦有留言祝福定欣快啲搵到心仪嘅另一半，早日脱单！
