被张继聪出卖整蛋糕挞Q 谢安琪寸爆：唔知咩居心
艺人谢安琪（Kay）近日在家抗疫，呢日就同囡囡一齐玩整蛋糕，负责拍片嘅老公张继聪就喺社交网上载片段，见一开始蛋糕焗得好靓，将蛋糕切开三份时都完整无缺，点知到搽忌廉嘅时候就出事，忌廉太水令成个蛋糕“一岩一窟”更几乎倒塌，搞到本来谂住整蛋糕送畀人庆生，最后只好扮自己生日即场食咗个蛋糕，Kay自己都笑指：“呢个蛋糕艺术成分好高，基本上都好难整多个一模一样。”
虽然成果未如理想，但张继聪亦“冒死”将片段公开：“知唔知咩叫用生命去拍片，同埋剪片？个蛋糕系精神嘅！”Kay就表示：“我其实整蛋糕中途已经放弃咗拍片，我唔明点解呢个人仲要剪返条片出嚟，佢其实系咩居心。”
