谢安琪“离罩”急开Post澄清：多谢大家提点！
新冠肺炎下，唔少艺人都接二连三确诊中招，令演艺界大受打击。而索爆人妻谢安琪（Kay）今日（1日）就喺社交网贴上一张运动look相，发文勉励大家要加油撑住，挨过难关。
但网民就将焦点落咗喺Kay嘅口罩上，事关佢所戴嘅粉红色口罩望落太大，完全唔贴面，担心口罩保护力不足，纷纷留言话：“罩太大”、“你块面太细啦”、“用小童口罩啦” 。
Kay见状后，随即喺社交网补文解释：“对唔住，今朝早突然贪靓，想戴一个粉红色口罩衬衫去跑步，点知唔知系咪我块面太细，或者粉红色口罩太大，令大家担心够唔够安全。贪靓但系滑稽咗真系唔好意思，其实里边仲戴咗一个贴面嘅，请大家放心，多谢大家提点同埋关心！”
