唔恨再攞视后！胡定欣比起事业更渴望结婚：唔需要拣
视后胡定欣情路波折至今仍系单身贵族，近日佢亮相好友陈敏之嘅网上影片频道节目大谈感情生活，佢坦言自己性格太理性，会成为感情嘅阻碍，但认为自己都有感性嘅一面：“嗰个人出现，我就唔会咁（理智）㗎啦。”在旁嘅陈敏之就坦言为定欣感到担心，经常催对方早日结婚，定欣亦自爆连郑嘉颖都曾催婚：“做嘢方面唔使啦，佢成日都话你要做嘅嘢已经做完。”佢更表明比起再夺视后、事业再抢高峰，自己更渴望搵到真命天子：“我唔需要谂，呢条唔系一条问题。”
而讲到定欣唔轻易信人，陈敏之即质问：“你受咗咩伤害呀？系咪畀人呃过呀？”定欣即一片寂静，并感叹指：“冇话呃唔呃嘅，感情系双方面嘅，都40岁人啦，你总有感情上嘅经历。”又直言要找到“Mr. Right”结婚并不容易：“你喜欢一个人，跟住同佢点走嗰条路系两样嘢。”
