关嘉敏忙到唔想拍拖 大想头升呢女一
女子组合Bingo成员关嘉敏（Carman）自去年签约邵氏后，演出机会不断，除参加大骚、拳赛及跳舞比赛《盛舞者》外，更伙拍陈展鹏、刘佩玥、陈豪、胡定欣、黄宗泽、袁伟豪及王敏奕等开剧。虽然大多演反派角色，但日前她接受东网访问时却大叫过瘾：“两出剧都系拍单元，一出就系做杀手，要一个打10个人，另一出都系要打交，但我好有兴趣，因为可以打人唔使畀人打，拍动作戏其实好开心。我有跟其他演员去training，个师傅都有赞我啲武打动作几好，仲加咗我戏份添。”
另外，她又试过客串《爱．回家之开心速递》，更和剧中饰演“龙璟风”的陈浚霆做对手戏，虽然戏份不多，但反应好好，她说：“有啲朋友都有赞我，所以喺演戏方面都算有少少认可。”
她坦言加入电视圈后，发现自己有很多不足，所以她积极上演艺班补救，她说：“我记得拍第一出剧，嗰场戏要我喊，但我又唔识睇机位，点知拍嗰时耷低咗个头，搞到要重新拍过，而导演、监制都话我嘥咗啲眼泪，好在我有好多眼泪啫。”
现时连拍两出剧的她，终于明白当初经理人提醒她拍剧勿拍拖的道理，她说：“因为真系好忙，要挨足一个月通宵冇得瞓，加上我又要上演艺堂，根本连瞓觉嘅时间都冇，如果真系拍拖，我咁忙，其实好易散（分手），（怕挨眼瞓？）我好忍得，读书时因为要半工读，试过成个礼拜瞓得2、3个钟。”
现在拍了三出重头剧的她，除了开始适应拍剧的节奏外，亦获得不少友谊，不过和她交心的都以男演员为多，她说：“陈俊坚、郑衍峰、麦秋成、王祖蓝、表弟‘孖八’李俊华同吴家乐都Friend咗，不过女演员就少啲，可能我同电视台啲女仔好唔同，我好Man，好想照顾啲女仔。”
问她会否以“女一”为目标？她直言：“当然想，所以要更加努力，本来我创作咗首R&B加Rap嘅歌，只系入咗邵氏之后太多工作，我唔想两头唔到岸，所以都系多放时间喺拍戏度先。”
