罗钧满幕前运麻麻 转战北上开茶店做老板
38岁嘅罗钧满，本来星运唔错，可惜佢醉驾又偷食。2016年佢宣布离巢TVB，转战北上发展，不过成绩麻麻，仲惨变“失踪人口”。去到旧年佢终于“上水”，同校长谭咏麟以及赵浚承喺大湾区中秋晚会《湾区升明月》合唱《朋友》，获唔少观众大赞。
虽然幕前工作冇乜起色，不过佢就为自己做好两手准备，除咗幕前工作，佢仲谂住开铺赚钱。而日前佢就喺社交网发相，宣布佢间手摇饮品店正式喺广州开业，从相片可见，唔少客人都有搵佢合照、签名，反应几好，佢仲喺发文写到：“每一款都是由‘推荐官’本人悉心调制，只为调出大家最爱的味道！感谢到场支持的每一位粉丝和朋友”佢仲自爆为咗调制好饮嘅茶，每日试足30几杯，真系出心又出力！
