大女帮化妆 钟嘉欣绿色眼影变Elsa：又唔错喎
艺人锺嘉欣与大女Kelly感情甚好，呢日佢哋拍片一齐帮对方化妆，虽然Kelly年纪细细，但原来已经识得化妆，仲有自己私家嘅化妆盒，够晒专业！见Kelly一开始就帮嘉欣化上湖水绿色眼影，用色相当大胆，令嘉欣都吓一吓，忍唔住表示：“你系咪谂住将我变成Elsa（卡通《魔雪奇缘》公主）？”
仲连眼袋位置都化埋，不过效果出乎意料之外地好，之后再搽上唇膏及画眉，虽然都要嘉欣自己稍为修饰，但整体效果相当不俗，嘉欣自己都好满意：“佢帮我化呢个Elsa妆，我觉得都唔错，唔差，我都畀佢Pass！”至于嘉欣亦为囡囡化上淡妆，但佢就认为Kelly化妆后太成熟，都系唔化妆最靓。
