陈志云（Stephen）在疫情下，于2020年开设「志云频道stephenchannel」，由最初抱住贪玩心态，到现在已有9个节目。主打的《Stephen•倾》，本周就访问「ViuTV一哥」强尼，Stephen更亲揭强尼爱睇色情片之谜。而频道开设以来鲜有请TVB艺人做嘉宾，Stephen坦承TVB艺人难约，更笑指「一离开就嚟搵我，变成係特色嚟！」提到香港免费电视台，Stephen戥香港观众开心，因为终于有得拣。
搵强尼做嘉宾，Stephen认为他跟以往被访者一样，都是个有趣人物，「佢本嚟係读工程做建筑行业，变咗去讲波，同埋我知佢有个嗜好，好锺意睇色情三级片，呢个我都好有兴趣去了解吓，点解有个咁嘅嗜好，同埋对佢嘅人生抉择都有兴趣，点解佢愿意放低一份安稳嘅工去追寻梦想，当中衡量咗啲乜嘢都想探讨。」
两人互不相识兼素未谋面，但倾足个几钟畅所欲言，强尼更自爆一直视Stephen为偶像，「呢个係真心㗎！我以前好锺意睇《志云饭局》，点解啲嘉宾永远可以好舒服好坦承咁倾，我觉得同Stephen嘅身份地位有关外，同你倾偈个心都好重要，我成日谂可以做个咁样形式嘅节目，都好想真心同人倾偈，今日真係好荣幸，同佢倾偈有种好舒服感觉，可以好放心咁讲。」强尼对于Stephen直问爱睇色情片亦不介意，「咁真係有发生！难得Stephen肯问我呢样嘢，哈哈！即刻勾起我嘅青春回忆。」此时Stephen都自爆睇过三级片，「喺北欧睇，係我爸爸带我一齐去睇。」而Stephen亦大讚强尼是个好好的被访者，「佢毫无保留同我分享心路历程，会畀好多详尽背景解释畀我听。」
Stephen的频道开设两年多，由2020年綵排舞台剧《生死裁决》时撞正疫情，于是趁得閒做处境剧《姨妈到》开始，到现在节目已相当多元化，除了有清谈节目，又有时事评论和饮食等等，他坦承较在电台开咪更享受，「电台始终係大众传媒，佢哋都拎住个牌照，尺度有啲唔同，喺自己平台可以更加畅所欲言，如讲到MIRROR经理人事件，我都估唔到反应会咁大。」
不过开频道以来，一直鲜有TVB艺人出任嘉宾，Stephen强调并非刻意安排，反而好恨访问他们，「TVB艺人唔係咁容易约，但佢哋一离开就嚟搵我，变成係特色嚟！哈哈！其实我好锺意，亦都好想访问TVB艺人，想了解吓佢哋新嘅工作环境。」
频道由Stephen独资营运，目前靠YouTube广告收入，收支尚算平衡，虽然未有人工收，但仍未打算跟广告商合作，「我唔会为赚钱而改变运作模式，对于营运我乐观嘅，未来会有钱赚，因为有啲朋友想落广告，但我唔係好积极去做，落过一、两次，因为我想做好节目内容先。」
讲到现在做网台，跟以往做电视台截然不同，Stephen表示近年也少睇电视，「我花好多时间睇Netflix，所以竞争唔係淨係嗰两个台，仲有串流平台。」讲到两台竞争，他认为目前确实健康得多，「ATV有一段非常不长进时间，如果想睇免费电视根本係冇得拣，但係ViuTV近年做得相当成功，走出自己风格同路线，畀香港观众多个选择，其实𠵱家ViuTV都衝住翡翠台嚟打，虽然曾志伟觉得ViuTV係同J2打，但TVB嘅行为证明呢个唔係真实，佢哋都当大家係对手，呢个係好事，对电视嘅台前幕后都多咗地方去，观众想睇免费电视起码有得拣。」
