张曦雯抱13kg爱犬面不改容

张曦雯抱13kg爱犬面不改容！网民羡慕：想做只狗

TVB花旦张曦雯（Kelly）向来热爱小动物，家中育有一狗一猫，分别系柴犬Nala同折耳猫猫Louie，佢仲不时喺社交网分享同猫狗相处嘅甜滴，相当温馨。呢日Nala 5岁生日，Kelly当然有同爱犬庆祝，佢仲抱起Nala兴奋合照，虽然Nala重13Kg，要抱起佢绝对唔系易，但Kelly抱佢时依然面不改容，仲坚持全程揽实唔放，至于Nala亦非常受落，冧到爆挨落Kelly心口，呢位“奴才”认真唔易做，不过网民反而错重点，指好羡慕狗狗，好想畀女神抱入怀内。