花式晒恩爱︱袁伟豪指公过大 自爆张宝儿够“阔”
艺人袁伟豪（Ben）同太太张宝儿爱得高调，平时佢哋都已经成日放闪，估唔到佢哋再有新招晒恩爱，Ben寻日（18日）喺社交网自爆同张宝儿私讯时，手快快将Wife（太太）打错为Wide（阔），佢就晒出二人对话截图，同时又晒出两字嘅翻译图，并抵死留言：“每一次跟袁太私信的时候，由于手机屏幕显示的键盘太细，加上D和F两个字母是在键盘上的相连位置，再加上本人的手指公有点过大，时常将其中一只字打错，把Wife打成Wide，由妻子、太太的意思打成，宽阔，广阔之类等等的意思……相信没有一位女士喜欢畀人称呼自己为《阔》的更何况是自己的太太。所以奉劝一句，各位兄弟小心。”
不过好友谢东闵就“睇穿”佢根本系想放闪，笑言佢根本就系想赞老婆成个“Wide Wife（阔太）”咁款，搞到连好友胡定欣都忍唔住留言嗌佢睇路。
