黄庭锋为求挑战放弃做教师 陈芷菁一句话启发转战娱乐圈
TVB上位小生黄庭锋早前接受娱乐新闻台节目《星光路上》专访，与主持潘盈慧大谈入行5年多的趣事及心路历程。自命开心、爱笑、无聊兼重视家人及朋友的庭锋，受爸爸影响， 5、6岁已爱上运动及踢足球，在英国留学期间更曾加入足球队受训：「当时个教练係前英格兰国家队球员，佢提携过5个学生，4个英格兰人，同埋我一个亚洲人，嗰阵发觉原来我都几劲！」原本有机会成为职业足球员，可惜最终因学业被逼放弃，庭锋笑言做人要学会向现实低头。
庭锋因想念家人，回流香港入读中文大学；拥有硕士学历的他，还未毕业已接获Offer担任体育老师，不但收入稳定，更是高薪厚职：「我都好锺意小朋友，但好快就觉得呢个职业唔会太有变化，我好想要啲挑战，唔想咁快就好似等退休咁。」之后因机缘巧合，庭锋其中一个学生的妈妈是陈芷菁，庭锋便是因为陈芷菁一句话，决定转战娱乐圈：「其实我同佢三年以嚟冇倾过偈，但到囡囡毕业嗰时，佢就同我倾偈，佢话觉得我好适合做幕前，问我会唔会谂吓，当时我就谂，係喎，冇谂过喎。」
从教育界走入演艺圈，庭锋还是与「运动」有著不可分割的渊缘，首个幕前工作已是主持2016年的里约奥运，之后再做《体育世界》主持;由于能操流利广东话及英语，之后更有机会为明珠台《港生活．港享受》做主持。早前庭锋更获派採访北京冬季奥运，自言有好大得着：「今次係我第三次做奥运，仲係第一次喺当地做主持，最大得着係可以同世界各地选手倾偈，好似羽生结弦、谷爱凌等，呢啲都係好多人都好想有嘅机会。」
庭锋又笑指会以「峰迴路转」形容入行5年的经历：「有啲演员畀人认识係因为拍咗套剧、个角色好受欢迎，又或者主持咗个节目好多人睇嘅，但我係因为喺台庆度赢咗个大奖而开始畀人认识。呢几年算係几精彩，但一啲都唔容易过，譬如好似我喺《香港原味道》，大热天时30度耕田中暑，又或者上咗高山好冻冻到晕咗咁，係冇停过我觉得。」
