有大量激情戏！麦明诗缺席宣传 黄德斌：佢可能怕丑
艺人黄德斌、麦子乐、黄又南、林耀星、陈雅丽、崔加宝与AMM副总裁林文龙，在大埔亚视总台出席网剧《逐流时代》记者会。女主角麦明诗缺席，孭飞的黄德斌则说：“讲呢啲！套剧现实得嚟，又有啲抽离，观众值得去睇吓嘅。（最值得睇同麦明诗嘅激情戏？）戏里面大把啦。（吓到佢今日唔敢嚟？）可能怕丑啩，佢唔得闲啫！”
林文龙讲到外间形容《逐》与TVB的《金宵大厦2》、ViuTV《反起跑线联盟》打对台，他说：“呢啲系字眼上嘅嘢，唔使太在意，边度有得打，大家嘅方向、做法都唔同，佢哋喺电视台，我哋喺网上，我哋都有个创新做法22分钟一集，节奏会好快。（喺app播会唔会输蚀？）依家你问100个后生仔，99个都系上网睇嘢，睇作品大家锺唔锺意，同埋有冇心，同埋都要配合、天时、地利、人和。（AMM今年再开剧？）我哋唔系大公司，唔会签咗好多艺人，开综艺还可以，开剧就要等疫情停咗，唔系拍拍吓停，就好似将啲钱掉落咸水海咁。”
