波波自诩“铜锣湾粉红色” 志伟：去到北角变黑色！
36E新一代无綫咪神黄婧灵（波波）升呢“性女”，于节目中不时语出惊人，之前更大讲“性经”吓窒网民。日前于曾志伟、钱嘉乐主持的节目《讲你都唔信》中，波波又发挥本色，自爆以前叫“铜锣湾粉红色”，斋听个“朶”都令人甚有遐想。
波波表示中四时好锺意做古怪嘢，有次放学与同学到铜锣湾行街，见到一上一落的电梯，一心为求突破，望住落嗰边嘅电梯同同学讲：“信唔信我冲上去嘞？”钱嘉乐闻言即谓：“你喎！冲上去咪好多嘢睇？”波波续说：“跟住无罅罅去到一半啪一声大字型趴喺度！其实我都吓亲，但我同自己讲，一定唔可以输，谂住起身再嚟过嗰阵，我feel到由脚到PAT PAT都劲凉，心谂咩事呢？个手踭又有啲嘢撩吓撩吓！原来成条裙飞咗上嚟手臂度！跟住啲同学劲大声、劲齐咁超恐怖咁嗌‘粉红色’、‘粉红色’，成个商场都听到，劲崩溃！”
此时丁子朗“谂歪咗”谓：“吓！你冇着呀？”全场人一齐嘘爆佢谓：“你谂咩呀？”志伟更谓：“哗！丁子朗！你咩人嚟㗎？”林盛斌又笑言：“丁丁谂到冇着系粉红色，你都睇几多呢啲嘢喎！”林秀怡即谓：“好难粉红色喎！”丁子朗相当尴尬！波波坦言自此就有个朶叫“铜锣湾粉红色”，志伟又忍不住谓：“铜锣湾啫喎！去到北角变黑色喎！”笑爆全场。
