钟嘉欣大谈在家分娩经历：用咗狗仔式最舒服！
锺嘉欣（Linda）同医生老公Jeremy婚后育有一仔一囡，一家四口劲温馨，这天（2日）佢就拍片分享喺屋企分娩细仔Jared嘅过程同心得。佢话自己原本对在家分娩一无所知，直到听完细女同学嘅妈妈亲身份享在家分娩嘅经历后，令她大开眼界，仲话呢种方式生仔对比喺医院更加自然同安全。
Linda话生细仔当日，原本谂住上床瞓觉，点知突然感到宫缩，于是打电话畀助产士，助产士拎咗基本设备去到佢屋企，仲教佢尝试唔同嘅分娩姿势，佢话：“我记得我捉住淋浴门，又进入浴缸尝试放松，但我嘅浴缸又唔够深，每次都浮起嚟，最后我用咗狗姿势，跪在地上，这就是最舒服的姿势，但你知道我发生甚么事了吗？我瞓着咗！之后，当宫缩再开始时，我嘅助产士叫醒我叫我开始推，但可能我仔个头真系好大，比Kelly嘅头大三分之一，所以你可以感受到我有几痛苦。”佢表示分娩嗰时亦叫咗阿女一同见证：“最后Jared的头有点出来了，他们叫我要抚摸他的头部，我拥抱了他，我很震惊，因为他和Kelly很像双胞胎！”
仲话自己绝不后悔家中分娩呢个决定：“我知道很多人话我很疯癫，但我只想给孩子最好的，我觉得我很适合这种方式，所有事情都在家中发生，我觉得很舒服自在。”
