郑俊弘重投星梦怀抱 一回巢即刻有歌出
歌手郑俊弘（Fred）2020年底约满星梦，在乐坛休息了一段日子，据知最近他已重投星梦怀抱，更获安排为《金宵大厦2》唱片尾曲，跟TVB一直有经理人约的Fred昨日（5日）承认说：“系呀！我签返星梦，我离开咗年几，系乐小姐（乐易玲）帮我安排，签番都开心嘅，因为有个归属感，加上本身好多歌都喺晒星梦度，今次返去有一个新鲜感，因为全个音乐班底、管理同制作都系新嘅。”
Fred透露已经同公司倾紧新出新歌，开始制作中，今次在歌曲创作方面他有较大自主权，他说：“可以揸多啲主意，对我嚟讲好紧要，希望可出多啲自己锺意风格嘅歌。”6月就将做爸爸的他笑言心情开始紧张，他笑说：“好快啦，愈嚟愈期待BB出现，BB需要嘅嘢已经准备得七七八八、好似BB床、衫仔，换片地方等等，希望冇咩甩漏啦。”
