连诗雅飞甩陈家乐拣古天乐做老公：我锺意有历练嘅男人
DJ阿正（黄正宜）近日上咗由连诗雅（Shiga）、虾头（杨诗敏）所主持嘅网台节目做嘉宾，大谈理想老公嘅10个特质，例如价值观相似、诚实、会主动沟通、EQ高等。其中一个环节，佢哋问Shiga到要喺黄德斌、陈家乐、林雪、吕爵安（Edan）、古天乐、魏浚笙（Jeffrey）中搵出佢哋嘅缺点，并选择一位作为老公，佢就话：“Edan、陈家乐同Jeffrey太过靓仔，黄德斌太Man，林雪太幽默，所以我会拣古天乐。”
而虾头立即问道：“咁陈家乐点算呀？”搞到全场爆笑。Shiga随后即话：“我觉得古天乐有人生嘅历练，同埋我觉得佢一定有上进心啦，先至可以开到咁多间制作公司，所以EQ都应该有返咁上下。”
而阿正就话：“我会拣黄德斌，因为佢真系超Nice。”然后 Shiga就问：“你要讲佢嘅缺点！”阿正就话：“我真系搵唔到佢有咩缺点，佢无论性格同外表、价值观都好好。”仲话如果自己后生20年嘅话，可能真系会忍唔住追佢，果然系迷妺一名！
